EP.22 實踐主體性為何痛苦？我嘅人生唔係一份終生Project，唔需要受人審視！

如果人生係一場永遠唔會輸嘅遊戲，你會點樣玩？🎮

今集我哋講到點解有人喺遊戲入面全力衝攻略賺到盡，有人就慢慢種花佈置享受過程🌷同一塊虛擬土地，反映嘅竟然係人性入面競爭心態同佛系心態嘅拉扯，仲有社會點樣不知不覺間定義咗我哋對「成功」嘅想像😌

原來當我哋將自己或者別人當成一件工具、一份要交成績嘅Project，就係跌入咗「異化」嘅思維陷阱🔧一旦習慣用外在標準去衡量自我價值，主體性就會慢慢消失，連自己內心真正想要啲咩都開始模糊🥲

好多人以為跟住社會個Template行，攞到好學歷、高成就、多財富，就可以獲得安全感同認同🫵🏻但其實呢種追逐，好多時只係令我哋離自己愈嚟愈遠，換嚟嘅焦慮同迷失，遠遠大過所謂嘅「成功」帶嚟嘅快樂😢

拒絕迎合社會嘅單一標準，由接納自己嘅情緒同行為開始，其實就係實踐主體性嘅最小單位💪🏻學會設立健康嘅界線、唔再過度妥協，先發現原來唔使逼自己fit入任何框架嘅感覺，係咁輕鬆🌱

每個人嘅形狀都唔同，人生唔係一份要交畀人審視嘅Project，而係一場屬於自己嘅探索🛑今集聽下我哋點樣喺遊戲同現實之間搵返屬於自己嘅價值同意義💪入嚟一齊透啖氣🎧

Trigger warning: 本集有提及關於性侵及性暴力等經歷，請斟酌收聽。

#主體性 #廣東話Podcast